% ............ مــ غـرووووور

للتواصل مع رقي إبداعكم


مغروووور
قـول للي شـايفن نفسه علي.... له كـلام بـداخلي وودي أقـولـه
ومن كلامي ودي يـفهـم مايلي...ودي يوصل له من المعنى جزوله
لو يكون أغلى بعيني من هلي.... ما بيمنعني غـلاهم من وصـولـه
كنت أشوفه مثل بدرن معتلي... في حياتي انتظر وقته وحلولـه
والمـكان الّي بـدونـه ماحـلـي.... أقفل أبوابه وكم يـصعب دخـولـه
صـارحـلـوه من غروره حنظلي....تبـت مـنه ويـدّنا مـنه مـغسـوله
مو هذاك اللي حبيبي الأولي.... مو هذاك اللي بنى بالقلب دوله
إيـه أحـبه كـان قـلبي مـبـتلـي....بـحـب ناسن مـاهم بيـمّه وحولـه
قلت بصبر زاد صبري بمقتلي.... كيف أحيا وعــزتي عـنـده ذلـولـه
كم دعـاني وجيت يمّـه أهرولي.... حـافــيه رجـلي وهو محني رجولـه
باااردن دمـه ونا دمـي يـغلـي....يحرق أعصابي ويـلعب بي بسهولـه
ولوشكيته ينـقلب حقي علي.... مو بهاذي معنى واخلاق الرجولـه
ماسمعـت الناس قالولي إثقلي.... ليتنـي ما كـنـت ابـحـبه عـجـولـه
هـلـي يـاعيـني دموعك هلـهلي.... ياخسـاااارة حـبنـا يـومـه يـنـولـه
خـل مـا بـالـقلـب خـلّه ممتـلـي.... وإن تـلاقـيـنا بـيغـمـرهـم هطوله
لين مـا تبـقى سـحابه وتـنجلي.... ويغرق بمانا من الحسره بوحولـه
صـعـب أبني له مكانه ومنـزلي....وصعب يرقى له وهوسهلن نزولـه
كـل كلـماتـه تـنادي لي أرحـلي.... لا يحـسّبني من الـمـعـنـى جهولـه
كم بجرحه كان فـينـي مخــتلي.....وكـم خـسرلـه مالـغلا الفين جـولـه
مابقي له شي لجـله يحـلّ لي.... وبسمه أبقى إنتهت كااامل فصولـه
وبالـنـهايه صــار عنـي بمـعزلي.....زااايده بـقلـبي من اسبابه حمولـه
ليـه أعاتب دام رده عجللي ؟؟....دام حـبي مـاقـدر شخصه يطـولـه
بان كـذبه ما غـدا بـي ينطلـي.... إنـتهـيـنا وفـاز في دور الـبـطـولــه
الحـقيقه كـان دوووره مـذهلي....يالله ياجـروحي تعـالواصـفـقـوا لـه

بقلم
عـازفه