بنت العرب

[poem font="traditional arabic,6,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
بسم السميع البديع المنشي الصوره =المبدي المحصي الارواح في كونه
ابدأ واثني على من ضمّنا نوره = خيرٍ نقدّي وخير الناس يقدونه
عليه اصلي عدد الاطوار وصخوره= وعدّاد امه وعدها الخُلد يلقونه
شفت السحا منبت الاطياب وزهوره = في روح ماساقها التأثير وطعونه
بنتٍ على طيّب الافعال مأسوره =والطيب يذكر مع الطيّب وعربونه
ماهي كنايه تعلّق باسفل الصوره = ولاهي بضاعة لجاني المال يشرونه
هي خصلةٍ عن وضيع النفس محظوره = لو جاب من دونها الارواح وكفونه
لا وافرقي طيّب الارزاق من سوره= وانتِ الكريمه ولو كانوا يذوقونه
روحٍ تعلّت على الانجاس منصوره = نقع السحايب صفى براق ومزونه
الله حشم حسنها بالبشت مستوره = مثل الجواهر عن الشوبا يدارونه
بالشرق حاسد وذي بالغرب مقهوره = لانك مليكة على الحزات يطرونه
معنى القهر بينهم ماقصر بدوره =في مجتمع أعقل النسوان مجنونه
لحظات زوجة وباقي اليوم مهجوره = وامست تنادم عشر عشاق يغنونه
عادي لها لو يقول الناس ياكورة = مابين هذا وبين اولاك مهيونه
افعالهم في كتاب الحق مسطوره = ليسوا سوا مثلما الانعام بل دونه
طرطور والله جمع شمله بطرطوره = قدره مقدّر من القادر بمقرونه
درب الكرامه عليهم يصعب عبوره = ياكيف لو شافت التقدير وش لونه
انتِ العزيزه وهي بالدوم محقوره = وانتِ العفيفه بشرع الدين مصيونه
جايز لمثلك تصير اليوم مغروره = دامك بعرشٍ تعدّى العز ومتونه
يادانةٍ تبهر الصياد في بحوره = اصداف باتت تواريها ومكنونه
منها الرواسي غدت بالحد مقفوره= قل للمشرع على هونه على هونه
حيث انها لقويم الدين مدخوره= الزين مكتوب من ربي لمزيونه
سره كريمٍ وهي بالحظ مسروره = ماخاشره بالهوى باغي ولاعونه
الله واكبر لعز الدين ودستوره = منهج رفعنا على صلبان صهيونه
ياهيه يافاطمه ياهند ويانوره = تسما اسامي سمت من ساس يبنونه
انتم خلف مانعين الجور والعوره = بنت العرب ماضيه باسلاف مضمونه
مني نصيحه الا ياقابل الشوره = حذري نهارٍ يزيح الليل بعيونه
خلاص وش للنظر من راد منظوره = غاب النجم واصبح الرُحال يبكونه
فعل الردى طيّحت بنيان معموره = والمجد باقي على من طوّل حصونه
من يفتتن بطباع الغرب ياجوره = فتنة هل السبت بالكاسات يسقونه[/poem]